全鬥句的台灣俗語～蓉蓉-健康生活館

全鬥句的台灣俗語(一)

人情留一線，日後好相看。     

入門看人意，出門看山勢。

人情世事陪甲夠，無鼎佮無灶。

人濟話著濟，三色人講五色話。

三人仝一心，烏土變成金。      

千算萬算，毋值天一向(劃)。

丈姆看囝婿，愈看愈意愛。

歹囝也著惜，孝男無地借。

大人煩惱無錢，囡仔歡喜過年。

不孝媳婦三頓燒，有孝查囝過路搖。

未食硞硞綴，食了嫌漚貨。

天飼人肥肭肭，人飼人伸一支骨。

正月正，媒人無出廳。

犯官欺，毋通犯眾議。

仙人拍鼓有時錯，跤步踏差啥人無？

未食五月節粽，破裘毋甘放。

瓜仔園揀瓜，愈揀愈花。   

甘願擔領一石米，毋願擔領一個囡仔疕。

交友著交心，挖花著挖根。

好田地，不如好子弟。

甘願擔蔥賣菜，毋願佮人公家翁婿。

在生一粒豆，較贏死了拜豬頭。

早頓食飽，下晝頓食巧。

好歹在心內，喙唇皮仔相款待。

有山便有水，有神便有鬼。     

有姑是姑丈，無姑野和尚。      

好歹粿都會甜，好歹查某都會生。

好歹菜一步燒，歹歹查某一步笑。

有得，便有失。     

好話毋出門，歹話弄破腹肚腸。

江湖一點訣，妻女不可說。

老的老步定，少年較膽嚇。

有一好著無二好，有媳婦著無牛母。

有毛食到鬃蓑，無毛食到秤錘。

行路行壁邊，做事較大天。

有志氣著有機會，散赤人出好子弟。

別人妻，睏袂過五更。

忍氣求財，激氣相刣。

有食有行氣，有燒香有保庇。

有錢烏龜坐大廳，無錢秀才人也驚。

來無通知，去無相辭。

和尚食菜無食臊，專食狗肉燖(朕)米糕。

受人酒禮，予人刮(稽)洗。

官府定罪三五冬，人嘴定罪一世人。

花無錯開，緣無錯對。

花食露水，魚食流水，人食喙水。

砌無三門墓，就想要做土公。

初三四，月眉意。十五六，月當圓；二三四，月暗暝。

長工望落雨，乞食望普渡。    

近廟欺神，路頭遠才有親。      

姻緣天註定，毋是媒人腳能行。

洋裝獻領，厝內吊鼎，講話無影。

姻緣到，毋是媒人能。

看人食肉，毋通看人剖柴。    

紅柿若出頭，羅漢跤仔目屎流。

食尾牙面憂憂，食頭牙撚喙須。

紅花袂芳，芳花袂紅。

食果子拜樹頭，食米飯敬田頭。

食人飯，犯人問。

食飯扶碗公，做工課閃西方。

食若牛，做若龜。 

食飯配菜脯，儉錢飼(開)查某．

食神食佛，食了會孤崛。   

食飯食俺爹，趁錢儉私奇。

食飯像武松扑虎，做工課那桃花過渡。

食着藥，青草一葉；食無(毋)着藥，人參一石。

全鬥句的台灣俗語(二)

唐山過台灣，心肝結規丸。     

厝驚無穩，人驚忘本。

倚山山崩，倚壁壁倒，倚豬稠死豬母。

烏雲飛上山，鬃簑提來幔。     

起厝按半料，cua(娶)某歹算數（難算計）。

烏雲飛落海，鬃簑蓋狗屎。    

做官騙厝內，做生意騙熟似。

酒醉心頭定，酒痟無性命。     

做惡做毒騎馬碌硞；好心好行無衫通穿。

做牛著愛拖，做人著愛磨。     

做著歹田望後冬，cua(娶)著歹某一世人。

做狗著顧家，做牛著拖犁。  

娶著歹某，較慘三代無烘爐，四代無茶鈷。

做無一湯匙，食卜規糞箕。     

清明毋轉去厝無祖，過年毋轉去厝無某。

做戲倥，看戲戇。 

睏破三領蓆，翁的心肝摸袂著。

惜花連盆，惜囝連孫。

葉無挽毋成欉，囝無教毋成人。

掠姦在床，掠賊在贓。

飼囝無論飯，飼父母就算頓。

牽尪姨，順話尾。 

算命若有靈，世間無人窮。

陰鴆狗，咬人袂吼。   

緊紡無好紗，緊嫁無好大家。

喙歹不常在，筆尾才厲害。     

趕人生趕人死，趕人食飯無情(天)理。

喙唇一粒珠，相罵毋認輸。     

銅鑼較扑銅鑼聲，後母較好後母名。

無毛雞，假大格。 

 

豬仔囝會上槽，豬母食屎無。

閏雙五，蕃薯較貴芋。

豬來窮，狗來富，貓來起大厝。

開花滿天芳，結子才驚人。     

嫷（美）嫷無十全；bhài（醜）bhài無交圇（九願）。

勤儉才有底，浪費不成家。     

嫷bhài無地比，合意（gà i）卡慘死。

搖人無才，搖豬無刣。

樹頭徛乎在，毋驚樹尾做風颱。

新婦驚食晝，討海驚風透。     

燒糜（siōr mŭe）傷重菜，嫷某（sui bhò）損囝婿。

落水叫三界，上水講無代。     

蕃薯(藷)毋驚落塗爛，只求枝葉代代湠。

落土八字命，命運天註定。     

錢銀纏半腰，免驚銀紙無人燒。

算命無褒，食水都無。

龍交龍鳳交鳳，隱痀交侗戇（dòng ghōng）。

豬刀利利，趁錢袂過後代。     

龜笑鱉無尾，鱉笑龜頭短短。

賣茶講茶芳，賣花講花紅。     

濟（多）牛踏無糞，濟某（多妻）無地睏。

靠囝靠新婦，毋值家己有。     

雙跤踏雙船，心頭亂紛紛。

頭毛白疏疏，嘛是想外家。     

藤條攑上手，無分親情佮朋友。

關門著閂，講話著看。

嚴官府出厚賊，嚴父母出阿里不達。

聽某喙，大富貴。 

甘願賣祖公產，毋甘阿娘的話烏白掞（ō beh dan）。

驚某大丈夫，扑某豬狗牛。    
 

無錢講無話，蕃薯拜佛跋無杯(桮)。

濟囝濟業，無囝塞疊。

有錢姑半路接，無錢姑喙那覕（cui na bhīh）。

龜做龜討食，鱟做鱟bēh壁。 

刣豬公無相請，嫁查某囝貺大餅。

頭家有聲，苦力才行。

舊柴草快點火，舊籠床好炊粿。

資料來源：網友提供

• 蓉蓉-健康生活館 所有文章歡迎轉載，但請註明來自蓉蓉的網站名稱和網址。
• 轉貼文章若有侵權，請來信告知，我們將儘快處理。